Jon Ander Aurrekoetxea Artetxe, Lezamako EAJko alkategaia: “Lezamarren bizimodua hobetuko duten esparru guztiak bultzatuko ditugu”

Lezama herriak zer beharrizan ditu? Lezama ez da krisitik kanpo geratu. Udalek esparru horretan ardura zuzenik izan ez arren, ahal dugun guztia egingo du­gu Lezamako emakume eta gizonen bi­zitza kalitatea hobetzeko: enplegua, eko­nomia, kultura, aisia... Horiek denak jorratu nahi ditugu, beti pertsona goiburu. Enplegu alorrean, zer proposamen egiten ditu Lezamako EAJ-PNV-k? Gure industrialdeak sustatu nahi ditugu enpresa berriak erakartzeko; horrez gain, langabezian dauden herritarren lan munduratzea ahalbidetzea bultzatuko dugu enpresekin akordioak hitzartuz. En­presa berriak gure herrian ezartzen badira horrek eragingo du langabezi tasa na­barmen jaistea, bereziki gazteen artean. Eta, kultura eta aisiaren alorrean, zer proposatzen duzue? Kulturak eta aisiak, dena bateratuta, gizarte dinamikoagoa eta aktiboagoa egiteko tresna izan behar dute. Hori da, hain zuzen, Lezamarentzat nahi duguna: herritarrek Lezama herria Lezaman bertan gozatzea. Horretarako, gure herriko elkarteekin batera arituko gara. Horren herri txikia izan arren, elkarte asko eta asko ditugu eta haiekin negoziatuko du­gu jarduera eskaintza hobetzeko. Hala­ber, Kurtze auzoko baselizan erakusketak antolatu nahi ditugu eta kaleko es­kaintza zabaldu. Ludotekari dagokionez, oraingoak baino sarbide hobeak izango dituen tokia prestatuko dugu eta horrek ere suposatuko du oraingo Gaztelekua lekuz aldatzea. Neurri horiekin kalitate han­diagoko zerbitzuak eman nahi dizkiegu umeei eta gazteei. Zein beste egitasmo garatu nahi di­tuzue? Alde batetik, Kurtze auzoa Zamudio­rekin lotu nahi dugu eta espaloia egingo dugu horretarako. Irisgarritasuna hobetzeko neurri horiei esker Lezamako herritarrak kaletik ibili ahalko dira segurtasun handiagoarekin. Beste alde batetik, EAJ-PNVrentzat kirola osasun iturria delako, herrian bertan gimnasioa eraikitzea sustatuko dugu. Txorierriko kiroldegiak erabiltzeko diru laguntasunak ematen jarraituko dugu eta txirringak garbitzeko gu­nea egingo dugu eskolen ondoko gunean. Lantaldea nola deskribatuko zenuke? Oso argi daukat kudeaketa lan onaren gakoa lan talde ona izatea dela eguneroko lanari behar bezala ekiteko. Ho­rregatik, hauteskundeetarako aurkeztuko dugun lantaldeak Lezamaren alde eta Lezamarentzat lan egingo du. Talde gaztea da, bataz beste 42 urte dituzte, eta, batez ere, ilusioz betetako taldea da. Egune­roko lanerako prest dagoen taldea osatzen dugu, jendearekin arituko dena, kalean, herritarrekin. Hurbiletik Jon Ander Aurrekoetxea Arte­txe, ‘Txo’ ezizenez ezaguna, Leza­man jaio zen 1969ko maiatzaren 3an eta orain herrigunean bizi den arren, haurtzaroa eta gaztaroa Kurtze auzoan eman zituen. Au­rrekoetxea argiketaria da eta bere lanbidea udal kudeaketarekin uz­tartzen du. Lau urte daramatza Lezamako Udalean, Hirigintza eta Jaiak departamentuetako arduradun gisa; alkate ordea ere bada. Leza­ma herriaz esan du herritarrak di­rela herriko onena: “Gustuko dut ka­lera joan eta herrikideak agurtzea, izena eta abizenez ezagutzen di­tudan herrikideak dira”.