Galdakaoraino 100.000 lagun baino gehiago hurbiltzea espero da maiatzaren 31rako; txorierritar asko, tartean. Izan be, bertako Eguzkibegi ikastolak Ibilaldia antolatzeko ardurea hartu dau aurten. Mikel Urdanpilleta ikastolaren zuzendariagaz eta Mari Jose Arriandiaga ikastolaren presidenteagaz izan gara berbetan.
Dana prest?
Hainbat erabagi hartu behar izan doguz orain arte, eta dan-dana prestatzea ez da erraza izaten. Gauza batzuk azken momentuan lotzeko beharra dago, baina gauzak ondo bideratuta dagoz eta hainbat lagun dabilz beharrean honen inguruan. Ziur gagoz maiatzaren 31n dana behar moduan urtengo dauena.
Ekintzak Ibilaldiaren egunari begira ez eze ikasturtean zehar be antolatu dozuez. Behar handia eskatzen dau halango jaialdi batek, ezta?
Bai, maiatzaren 31ren haritik ibilbidea, guneak... atontzen ibili gara oraintsu arte, baina ikasturtean zehar be ekitaldi sorta zabala egin da: kirol ekintzak, kultura arlokoak... Horreek be antolaketea dakarre, eta beharra egon da alde horretatik. Ikasleen parte-hartzea handia izan da, eta eurei eskatutako guztiari baietz esan deutsie. Ikasle ohien parte-hartzea be itzela izan dala aitatu behar dogu, baita prestatze-beharretan jente asko ibili dala be: gurasoak, kide ohiak, Udala, herriko kirol eta kultura taldeak, laguntzaile asko...
Zer itxaroten dozue egun horretatik?
Jentea Galdakaora eroso etorri eta pozik alde egitea gura dogu. Horretarako, asko zaindu doguz ibilbide osoan eta herrian zehar egingo diran ekintza, emonaldi eta jarduera ezbardinak, jentea giro ederrean egoteko. Gurea jai hutsa izatea ez dogulako gura; jaiegun biribila, osatua, izan daiten ahalegindu gara.
Ibilbide aldapatsua baina polita izango da. Zer eukiko dogu zain gune bakotxean?
Guneak aniztasuna eta ugaritasuna kontuan hartuta atondu dira, leku gehienetan pitin bat danetarik egotea izanik gogoan. Umeentzako gunean, esate baterako, hainbat ekintza erakargarri eta egoki egingo dira, eta gazten gustuko ekintza guztiak euren gunean batuko doguz. Beste gune batzuetan danetarik egongo da: emonaldiak, musika ekitaldiak, ikusgarriak... Gune politak dagoz, zabalak, erosoak... Gure eritxiz, guztientzako beharrizanei begirako eraketea egin da guneei jagokenez.
Zelan sartuko da herrira?
Ahal dan neurrian garraio publikoa erabiltzea eskatzen dogu, autobusak zein trenak maiztasun handiz ibiliko diralako. Bestetik, aparkaleku nagusi bi atonduko dira Bilbondo merkataritza gunean eta Erletxen. Eta handik autobus-anezkak iminiko doguz herriraino helduteko. Errepide nazionala norabide baten itxiko da, autobus pribatuak han aparkatu ahal izateko eta ibiltariak hortik oinez hurreratu daitezan zirkuitura.
Gerizpetik Eguzkibegire aukeratu dozue lelotzat, zergaitik?
Leloa Arkaitz Estiballes ikasle ohiak asmatu dau, eta horretan euskeraren historia eta ikastolen historia bera islatu gura izan ditu. Gure ikastolearen izena erabili dau horretarako.
Eta Piku pertsonaia logotzat hartu dozue; nor da Piku?
Beste ikasle ohi batzuk asmatutako mozoilo koloretsua eta alaia. Txorierritarrek ondo dakizuen legez, galdakoztarroi “mozoiloak†esaten jaku. Aitatu behar da gure ikastolako umeak eta gaztetxoak erraz eta gogoz identifikatzen dirala Pikugaz.
Ibilaldia inoiz baino indartsuago dator musika aldetik.
Pozik gagoz emoitzagaz, gure erabagia izan dalako ikasle ohiek parte hartzea letra eta musikan. Letra Arkaitz Estiballesek idatzi dau, eta musika BIOK taldeak konposatu dau. Behar polita eta txukuna egin dabela uste dogu. Egia da abestia nahiko gogorra dala hasierako zatian, baina gustura geratu gara akabuagaz: barria da, honelako ospakizunetan normalean erabilten ez dan estilokoa.
Gobernu-aldaketea euki dogu oraintsu, zelango eragina izango dau horrek ikastolen egoeran, zeure ustez?
Horren ganean ezin dogu ezer esan momentu honetan; ez dakigu eraginik izango dauen diru-laguntzetan, horren barririk ez dogulako euki. Bizkaiko Ikastolen Elkartetik gonbidapena luzatu jake agintari guztiei, aurreko edizinoetan egin dan moduan. Eta itxaroten dogu ordezkariak etortzea Eusko Jaurlaritzatik zein Bizkaiko Foru Aldunditik, beti halan egin dabelako eta eurek etortea garrantzi handikoa dala uste dogulako.
“Lotan egon dan gogoa berpiztuzâ€
Eguzkibegi ikastolea 1966. urtean sortu zan, euskerea eta euskal kultura bultzatu gura zituan lagun-talde baten ahaleginari esker. Gaur egungo eraikina 1978. urtean altxatu eben, eta ordura arte ikasketak beste eraikin baten eta lonjetan be jaso ebezen ikasleek. Ikastoleak irakasle bi eta 35 ikasle zituala emon zituan lehenengo urratsak; gaur egun 682 ikasle eta 55 irakasle ditu, eta 0 urtetik 16 urtera bitarteko ume eta gazteei zuzendutako hezkuntza-eskaintza dau.
Bizkaiko Ikastolen jaialdian batzen dan dirua eraikinaren azpiegiturak erabarritzeko erabiliko dabe. “Ganera, eraikina egin zanean, ez ziran kontuan hartu gaur egunean ezinbestekoak diran egokitzapenak. Gimnasioa, dinamika-gelea eta bestelako espazioak berratondu eta egokitu beharko doguzâ€.
EUSTATen datuen arabera, Galdakaoko herritarren %40a euskalduna da. Gero eta ume gehiago dabil euskeraz ikasten, eta gero eta jente gehiagok daki euskerea. Baina Euskal Herriko beste herri askotan gertatzen dan bezala, datu horreek ez dabe islarik kalean. “Guk uste dogu Ibilaldiak, urtean zehar dakarzan ekintzen bidez, lagundu egiten dauela euskerearen aldeko giroa eta euskerea bera erabiltearen aldeko kontzientzia sendotzen. Lotan egon dan gogoa berpizten laguntzen dauâ€.
Egitaraua
Guneak:
1. Udaletxea
Puzgarriak
10:00: Goloka kale antzerkia
11:30: Ibilaldia 09 omenaldia
12:00: Pencak Silat
13:00: Mihiluze jokoa
14:00: Pencak Silat
2. Iturrondo
Futbol-zelaia
09:30: Umeentzako tailerrak
11:30: Erromeria, Aiko taldearekin
13:30: Four Friends
17:00: Erromeria, Oxabi taldearekin
3. Muguru
Ardoen dastatzea
10:00: Txahal errea eta herri kirolak
13:00: Bertsolariak
15:30: Marmara Dixieland Band
4. Anbulatorioa
10:30: Andra Mari eta Oinarin dantza taldeak
12:00: Bertsolariak
12:30: Andra Mari eta Oinarin dantza taldeak
15:00: Antzar erakustaldia
5. Ikastola
Rokodromoa
09:30: Hasiera-ekitaldia
10:00: Umeentzako tailerrak
11:30: Txan magoa
13:30: Antton Irusta, ipuin kontalaria
15:30: Txirri, Mirri eta Txiribiton junior
6. K-2000
Izenaduba basoko pertsonaiak
11:00: Betizu
13:00: Euskal kantak
14:30: Kukubiltxo
15:30: Anje Duhalde
7. Elexalde
Globo aerostatikoa
09:30: Xiba herri kirolak
11:30: Funkamena
14:30: Harrobi
8. Tiro-zelaia
Askagintza
12:00: Biok
13:30: Sagarroi
15:00: Esne Beltza