Irailaren 4tik 10era bitartean Andra Mari jaiak izango dira Lezaman. Halanda be, horreek ez dira herritarrek eukiko dabezan jai bakarrak, irailean be San Antolin eta Santa Kurtze ospatuko dabez-eta.
Txupinazoa irailaren 4an botako bada be, “Lezamako Mugetatik†mendi martxa eta lasterketeak eta San Antolin Egunak “hasierea†emongo deutsee aurtengo jaiei. Mendi lasterketea abuztuaren 30ean egingo da, talde honeek antolatuta: Basobaltz jai-batzordea, Lezama Bizirik auzo alkartea, Zorrizketan euskera alkartea, Ekidazu abesbatza, Goitioltzako jai-batzordea eta Gurasoen Alkartea. San Antolin irailaren 2an ospatuko dabe, eta zalantza barik, herri-bazkaria egun horretako ekintzarik erakargarriena izango da. Izan be, urtero ehunka lagun batzen dira mahai inguruan. Txartelak Lezama eta Larrabetzuko denda eta tabernetan jarriko dira salgai euro bitan.
Esan dogun moduan, Lezamako jaiak irailaren 4an, barikuan, hasiko dira ofizialki. Pregoia irakurri ostean, trikipoteoa egingo da herriko tabernetatik, eta gaberako Mozorro Lehiaketea antolatu da. Gaia “Baserria eta bere mundua†da, eta mozorrorik onena janzten dauanak bertako produktuen saskia jasoko dau saritzat. Era berean, txosnetara mozorrotuta hurreratzen direnei “2x1†eskaintza egingo jake, kalimotxoa edo garagardoa edaten badabe. Ganera, bertako produktuen beste saski bat zozketatuko da gabean. Ticketak jai-batzordeko txosnan eskuratu ahal izango dira.
Zapatuan pintxorik goxoena aukeratuko dabe herriko tabernetatik, eta domekan herri-bazkaria egingo da, Zorrizketan euskera alkarteak antolatuta. Bazkalostea Astrapala Proiektuko kideek girotuko dabe. Astrapala herriko musikari batzuek sortu eben 2008. urtean. Proiektuak musika eta herri-kultura lezamarren artean zabaltzea dau helburu.
Odoloste Egunak bidea emongo deutso Andra Mari Egunari. Irailaren 8an, martitzenean, Mortimer antzezlana aurkeztuko dau Kukubiltxok, eta erromeria Lotxo taldearen kontura izango da.
Kontzertuen aldetik be indartsu etorriko jakuz Lezamako jaiak. Noizean Behin eta Gatibu taldeek musika jarriko deutsee bariku eta zapatuko gabeei, hurrenez hurren.
Azkenik, irailaren 10ean Bola-lekuko jaiak izango direla aipatu beharra dago; eta irailaren 13tik 15era bitartean, Kurtzekoak.
Egitaraua
Abuztuaren 30a, domekea
08:00: Izena emotea, “Lezamako Mugetatik†mendi martxa eta lasterketean.
Irailaren 2a, eguaztena. San Antolin
12:30: Mezea. Ostean, trikitixa eta kopaua
14:30: Herri-bazkaria
16:00: Mus eta Briska Txapelketak
Irailaren 4a, barikua
19:00: Partiduak, pelotalekuan. Pelota Eskolaren eskutik
20:00: Txupinazoa eta pregoia. Ostean, trikipoteoa herriko tabernetatik. Odolosteak, tabernetan
22:00: Txosnak irekitzea
22:00-24:00: Mozorro Lehiaketea. Gaia: baserria eta bere mundua
23:00: Kontzertuak: Deadly + Noizean Behin + Trikizio
02:00: Mozorro Lehiaketearen sari-banaketa
Irailaren 5a, zapatua
12:00-14:00: Pintxo Lehiaketea herriko tabernetan, trikitixak eta panderoak alaitua
18:00-20:00: Umeentzako jokoak eta txokolatadea
18:30: Bingoa eta merienda, Adintsuen Etxean
20:00: Lehiaketa antzezlana, Trapu Zaharra taldeagaz
23:00: Kontzertuak: Esne Beltza + Gatibu + Triki Ta Ke
Irailaren 6a, domeka
13:00: Lezamako Ekidazu eta Hernaniko abesbatzen kontzertua, elizean
15:00: Pintxo Lehiaketearen sari-banaketa
15:00: Herri-bazkaria, Zorrizketanen eskutik. Bazkalostea, Astrapala Proiektuak girotua
17:30: III. Txapela Txapelketea, Zorrizketanek eskutik
19:00: Pelota partidu profesionalak, frontoian
19:00: Euskal dantzak, Gurutze dantza taldearen eskutik
Irailaren 7a, astelehena. Odoloste Eguna
Gabean: Odolosteak, herriko tabernetatik
Irailaren 8a, martitzena. Andra Mari Eguna
12:00: Mezea
13:00: Kopaua, Adintsuen Etxean. Trikitilariak, herritik
19:00: Berbenea, Lotxo taldeagaz
21:00: Mortimer antzezlana, Kukubiltxo taldearen eskutik. Ostean, berbenea Lotxo taldeagaz
Irailaren 9a, eguaztena
12:00: Mezea
Irailaren 10a, eguena. Bola-lekuko jaiak
12:30: Izena emotea, paella-txapelketean
14:30: Paellen aurkezpena eta sari-banaketa
17:00: Umeentzako jokoak eta txokolatadea
20:30: Berbenea, Luhartz taldeagaz
Santa Kurtze
Irailaren 13a, domeka
16:00: Txupinazoa eta jaien hasierea
16:30: Mus Txapelketea, Gaztedi jatetxeak antolatua
18:00: Gorritiren animaliak: poniak, zezentxoak, basurdea...
Irailaren 14a, astelehena. Santa Kurtze Eguna
12:00: Mezea, ermitan. Ostean, kopaua auzokoentzat
20:00: Idi gazteen probak, harri txikiagaz
Irailak 15a, martitzena
12:00: Mezea, ermitan
20:00: Sorginari su emotea, eta jaien amaierea