Ditxolariak kafetegian

Aikorrizketa: Juan Luis Goikoetxea; irudia: Aritz Albaizar
- Egun on Zipiri! - Egun on Luki! Beste ezer baino lehen, gauzatxu bat argitu behar deustazu: neska gazteak ditxolaria zer dan itaundu deust goizeon. - Ba, bat-bateko erantzuna emoten dauena. Hurreratu eidak iPad hori. Lehen telefono listina eukiten zan tabernan kontsultarako; orain iPada. Hi bai modernoa Zipiri! Hara zer dakarren Adorez hiztegian Luis Baraiazarrak: Errimadun hitz joko politak egiteko nahiz erantzun zorrotz, azkar eta umorezkoak emateko etorria duen hiztuna. - Ipini eistak adibide bat Luki! - Esate baterako: - Erosi joat iPhona. – Ez gastau barik txanpona. Gainera, Zipiri, laster etorriko dok Patxuel. Ha dok testularia. - Hamen jatork! - Botaik Patxuel bostekoa! - Ez dok horrenbestekoa! - Osasunez ondo habil? - Bihotza, Luki, pil-pil. - Urteak arin eta ondo joan arren, hobeto gura. - 60 urtegaz 60ko abiadura. - Orduan Patxuel, 20koari bizitzea zelan joako? - 20 kilometro orduko. - Arinago ibiliko dok erbie? - Baneuko, jango neuke erdie. - Urteak Patxuel zahartzaroan erbia dira. - Ez jarri nire belarriei begira. - Gauza batzuk, ostera, hobeto astiro. - Ez erbiari tiro. - Ez dok asko hik esateko. - Hainbeste kopla, Luki, kafea pagetako? - Hartuko neuke beste bat, neuk be. - Ondiño ez dok ordaindu bat be! - Llorentek penaltiz be ez gol. - Urkiolatik gora iturria Pol-Pol. - Behin, Patxuel, han ibili nintzan zingili-zangulu. - Edango zenduan ur gardena glu-glu. - Bihar Patxuel jaia, etzi domingo. - Arrautza gorringo! - Hik daukak mutil berba-etorria! - Etxeko txorroa ez dok iturria! - Non egoten haiz hona ez hatorrenian? - Isil-isilik kaia barrenian!