testua: Juan Luis Goikoetxea
irudia, Aritz Albaizar
(*) Ahozko moduan esaten dana, letra baltzez doa
-Hamen Arratiako zekor bi.
-Haori egun onak emoteko modua Luki!
-Esaerea ez da, Arratiako zekorra txikerra baina gogorra?
-Bai, esan hori egiten da Luki.
-Zer dala-eta Txorierrin Angel Larrea eta Juantxu Rekalde?
-Hiztegia aurkezten gatoz Luki, 923 orrikoa, Arratia inguruko hiztegia.
-Zer berba barri dakarzue oraingoan?
-Limonerea, esate baterako.
-Limonerea, limoiak saltzen dituana?
-Bai, baina izaten zan, Bilbon gizonakaz ibilten zan andrea, eta zahar egiten zanean, orduan limoiak saltzea izaten zan haren lanbidea. Erriberako arkupeetan egoten ziran.
-Eta Angel, gizonezkoari, andratan ibilten zanari, zelan esaten jakon?
-Platanerua izango zan, baina guk ez dogu batu berba hori.
-Txorierrin be badaukaguz berba jatorrak, zakila esateko katxiñe erabilten dogu.
-Baita Arratian be Luki! Izatez, katxina bola-jokoan txirlo txikia da, txirlo handien ilaratik aparte dagoana.
-Dana dala arratiarrok, ni lukia banaz, baina ez pornografoa. Gizonezkooi kritika eginez Txorik esaten euskun akeita hartzeko orduan: “Polena gizonok beharrezkoa dan arren, ez ahaztu alergiko asko dagoanaâ€.
-Txori aipatu dozun ezkero, non dabil?
-Boisen amerikanoen lumaz jantzirik.
-Idazten deutsazu Luki?
-Idatzi bai, baita berak erantzun be, baina beti berbak ondo neurtuta. Ez jako Txoriri eskapauko piroporik, ez eta Amurizari potorik.
-Lehengora etorrita Luki, onartu beharra daukagu, antxinako lanbide asko, ofizio ugari galzorian dagoana.
-Bai halan da bikote! Behinola baserrietara etorten ziran ijitoak, bidaztiak, eskekoak, kinkileroak, tela-saltzaileak-eta amaitu badira be, ez dot uste limonerak eta plataneruak akabeko diranik.