Igandea, martxoak 24

11:00

Txakolinaren Eguna

Domekan, martxoak 24, Txakolinaren Eguna ospatuko dute Larrabetzun; aurten, 21. edizioa beteko da. Plazan, 20 saltoki ipiniko dira eta haien artean Txorierriko sei txakolin-egile izango dira: Sasikoetxe eta Gorka Izagirre (Larrabetzu); Garkalde, Erdikoetxe eta Basalbeiti (Lezama); eta Magalarte Zamudio. Horrezaz gainera, baserriko produktuak eta artisau-produktuak ipiniko dira salgai, hala nola ortuariak, txerrikia, txokolatea eta kafea, garagardoa eta arrantzale-arropa. Horrezaz gainera, herriko Gurpide elkarteak eta Eskulore artisauak ere lekua izango dute azokan.

Loiuko arte eta kultura azoka

Loiuko Bakarrak gazteen elkarteak martxoaren 22tik 24ra bitartean azoka antolatzeko asmoa du, “herriko talentu kulturala eta sortzailea ezagutarazteko”, zabaldu dute gizarte-sareen bidez. Azoka egin ahal izateko, deia egin diete herriko artista ezagunei, eta egitasmoan parte hartzera animatu dituzte. Azokan edozein adinetako lagunek parte hartu dezakete, eta edozein talentu artistikoa erakutsi: margolaritza, dantza, kantua, idaztea… Azokan parte hartu nahi dutenek mezua bidali ahal dute loiukobakarrak@gmail.com helbidera, edo whatsappa, 695 786 116 telefono-zenbakira.