Gaur, ekainak 27, txupinazoa botako du arratsaldeko 8etan Txori Bikers elkarteak, eta San Pedro eta Santa Luzia jaiak ospatuko dituzte Loiun. Guztientzako ekintzak egongo dira domekara bitartean, hala nola kontzertuak, gastronomia-lehiaketak eta umeentzako jolasak.
Lagatzu Zamudioko euskara elkarteak Lagatzu Eguna – Euskal Jaia ospatuko du zapatuan, ekainak 29. Ohikoa denez, ekintza berezia prestatu dute egun horretarako, eta aurten talentu erakustaldia egongo da. Bestalde, motorrak berotzen hasteko, bihar, ekainak 28, Broken Izotz taldearen kontzertuaz gozatzeko aukera egongo da 21:00etatik aurrera, Fernan tabernaren ondoko plazan.