Larunbata, maiatzak 6

12:00

Gazte Eguna, Loiun

Loiuko Bakarrak elkarteak antolatuta, zapatuan, maiatzak 6, Gazte Eguna egingo da Loiun. Eguna ekintzaz beteta egongo da. Horrela, 12:00etan sormen-tailerra izango da, eta 13:30ean, triki-poteoa. Bazkaria ere egingo dute, eta 18:00etatik aurrera Sakatu elektrotxarangak musikaz girotuko du ospakizuna. Kontzertuak 22:30ean hasiko dira. Agertokira hurrengo musika-talde hauek igoko dira: Ugerda, TOC eta Xiberoots.

18:00

Plazako dantzen ikastaroa

Bizkargi dantza taldeak plazako dantzen ikastaroa antolatu du datozen hiletarako. Guztira bost saio egingo dira: urtarrilaren 20an, otsailaren 24an, martxoaren 17an, apirilaren 21ean eta maiatzaren 19an. Hamahiru urtetik gorako lagunentzako ikastaroa da eta esandako egunetan egingo da 18:00etatik 19:30era. Ikastaroak 30 euro balio du; 20 euro, bazkideentzat. Izena emateko eta informazio gehiagorako: 644 166 034 eta info@bizkargidantzaelkartea.eus.

18:30

Batukada-tailerrak Lezaman

Apirilaren 27an, 18:30etik 20:30era, eta maiatzaren 7an, 10:00etatik 14:00etara, batukada-tailerrak izango dira Lezamako Uribarri Topalekuan, Silvia Palumbo Argentinako kantautoreak eta aktibista feministak zuzenduta. Tailerrak antolatu ditu Moreak Lezamako talde feministak bertako udalaren laguntzarekin, eta izena ematea berdintasuna@txorierri.eus helbide elektronikora idatzita egin behar da.