Ekainaren 7an, “Parkea Musik Fest” jaialdia egingo da Txorierriko Baserri Antzokian, Derion. Egitasmoa Euskadiko Parke Teknologikoen Sareak antolatu du, eta bertan 16 musika taldek hartuko dute parte. Jaialdira edonor hurbildu daiteke musikaz gozatzera. Jatekoak, edaria eta zozketak ere egongo dira.
Eskolako jaia. Ekainaren 7an, 16:00etan. Derio Txiki gurasoen elkarteak antolatua.
Mi problema es tu problema antzezlana, Imperfeccionismo Mágico Teatro taldearen eskutik. Ekainaren 7an, 20:30ean, Gure Aretoan. Prezioa: 3 euro.
Joseba Irazoki eta lagunak. Ekainaren 7an, 21:00etan, Hori Bai gaztetxean. Sarrera: 8 euro.
ImpulsaT elkartearen aldeko asteburu solidarioa: hiru taldeen arteko partidak (kadete maila). Ekainaren 7tik 9ra, 18:00etan. Uritarra futbol eskolak antolatua.
Eguraldi Ona jai-batzordeak zamudioztar guztiek ondo pasatzeko moduko jai-egitaraua antolatu dau atzera be. Txapelketa gastronomikoak, kontzertuak, kaleko animazioa, pelota partiduak, umeentzako parkea… Pazko jaiek ekintzaz beteko dabe Zamudio ekainaren 7tik 10era bitartean.