Asteazkena, abenduak 1

18:30

“Haurren aurrean helduak heldu” ekimena

Ekimenaren helburua da haurren erreferente helduen arteko hizkuntza-praktikak aldatzea eta euskara gehiago erabiltzea. Bihar, abenduak 1, egitasmoaren inguruko solasaldia izango da Iñaki Eizmendi gizarte-hezitzailearen eskutik. Hitzordua 18:30ean ipini dute Anguleri kultur etxean. Umeak zaintzeko zerbitzua eskainiko da eta hura eskatzeko azken eguna gaur da darabilgu@darabilgu.eus helbide elektronikora idatzita. “Haurren aurrean helduak heldu” ekimena Euskaltzaleen Topaguneak antolatutakoa da.

11:25

Lehiaketak - Gabonetako postalak

Gabonetako postalak. Lanak aurkezteko azken eguna: abenduak 3. Informazio gehiago: www.sondika.eus.

17:00

Euskararen Eguna Zamudion

Pandemiaren eraginez, bertan behera utzi behar izan zen iaz Euskararen Eguna. Aurten, azken orduko aldaketarik ez badago, Zamudion egingo da azaroaren 27tik abenduaren 3ra bitartean. Lagatzu Zamudioko euskara elkarteak eta Txorierriko Zerbitzuen Mankomunitateak herritar guztientzako ekintzak antolatu dituzte, txorierritarron artean Euskararen Eguna arnasberritu dezagun.  

18:00

Udagoien kulturala Lezaman

Lezamako Udalak “Udagoien kulturala” programa antolatu du azarorako eta abendurako. Orotara lau ekitaldi egingo dira eta lezamarrek magia, txotxongiloak, musika eta antzerkia gozatu ahalko dituzte.

19:00

Literaturaz Berbetan

Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.