Osteguna, abenduak 23

Gabonetako ekitaldiak, Lezaman

Olentzerok eta Mari Domingik Lezamako umeak agurtuko dituzte barikuan, eta haien gutunak jaso. Monda Lironda pailazoak astelehenean egongo dira Kultura Aretoan, eta Tximiparkera irteera antolatu dute abenduaren 29rako. Azkenik, hurrengo egunean, abenduak 30, irteera egingo da patinatzera.

15:30

Gabonetako egitaraua Larrabetzun

Ohi den moduan, Larrabetzuko Hori Bai gaztetxeko lagunek herritar guztientzako egitaraua antolatu dute Gabonei begira. Ohiko ekitaldiez gainera, hala nola Olentzeroren bila joatea, bertso-saioa eta kotilioia, egongo dira, besteak beste, antzezlana, hitzaldia eta afari musikatua.

17:30

Gabonetako ekintzak Derion

Prentsa-ohar baten bidez jakinarazi dutenez, gaur egungo egoerara egokitutako Gabonetako programa antolatu du Derioko Udalak, “ahal den neurrian, egun hauetako ilusioari eta berezitasunari eusteko”. Orotara 10 ekintza antolatu dira abenduaren 23tik urtarrilaren 8ra bitartean, “osasun-agintarien gomendioak betez”. Herritar guztientzako ekintzak izango dira, “nahiz eta protagonistak umeak izango diren eta ekitaldiek izaera solidarioa izango duten”.

19:00

Literaturaz Berbetan

Kulturbilguneak aurreratu duenez, irailetik abendura bitartean lau liburu izango dituzte hizpide Literaturaz Berbetan ekimenaren harira. Irailaren 16an, Ana Malagonen Ez dakit zertaz ari zaren lana; urriaren 21ean, Nerea Loiolaren Epizentroa obra; azaroaren 18an, Nerea Arrienen Jende likidoa liburua; eta abenduaren 23an, Mikel Antzaren Arroz urez lana. Saioak Anguleri kultur etxean izango dira, 19:00etatik aurrera.