Aurrekoetan moduan, Gure Señeak elkartearekin lankidetzan ibiliko da Derioko Udala. Horrela, bada, antzerki-, musika- eta arte-emanaldiek hiru euroko prezio sinbolikoa izango dute, eta biltzen den diru guztia elkarteari emango diote, “gaixotasun arraroa edo desgaitasun berezia duten Derioko umeen eta haien familien bizi-kalitatea hobetzen laguntzeko”. Sarrerak hemen erosi daitezke gaurtik aurrera. Gainerako jardueretarako sarrera libre izango da edukiera bete arte. “Maskara derrigorrezkoa izango da hitzordu guztietan, eta COVID ziurtagiria aurkeztu beharko da, araudiak hala exijitzen duen lekuetan”.
Egitaraua datozen egunetan sartuko da postontzietan eta herriko hainbat lekutan ere kartelak ipiniko dira. Era berean, programa udal-webgunean eta -sare sozialetan dago eskuragarri. Osasun-egoeraren bilakaeraren arabera, jarduerak aldatu edo bertan behera utziko dira. Aldaketak udal-webgunearen eta -sare sozialen bidez jakinaraziko dira.
Abenduak 23, eguena
17:30 Ipuin-kontalaria (5 urtetik gorakoentzat), Kultur Birikan. Sarrera: 3 euro.
Abenduak 24, barikua
10:00-13:00 eta 18:00-20:00 Olentzero eta Mari Domingi, udaletxean. Hitzordua eskatu behar da udal-webgunean.
Abenduak 28, martitzena
18:00 Txotxongiloak: Ipuin-lapurra, Gurea Aretoan. Sarrera: 3 euro.
Abenduak 29, eguaztena
18:00 Nagusien jaia, Kultur Birikan. 1936an jaiotakoei omenaldia.
Abenduak 30, eguena
19:00 Arriebro, Joaquin Sabinari omenaldia, Gurea Aretoan. Sarrera: 3 euro.
Urtarrilak 2, domeka
19:00 Gemma Martinezen bakarrizketa, Gurea Aretoan. Sarrera: 3 euro.
Urtarrilak 3, astelehena
17:30 Txikientzako mantra kontzertuak, Kultur Birikan. Sarrera: 3 euro.
19:00 Nagusientzako mantra kontzertuak, Kultur Birikan. Sarrera: 3 euro.
Urtarrilak 5, eguaztena
18:30-20:30 Errege Magoak, udaletxean. Hitzordua eskatu behar da udal-webgunean.
Urtarrilak 7, barikua
19:00 Fake. Trampantojo antzezlana, Gurea Aretoan. Sarrera: 3 euro.
Urtarrilak 8, zapatua
19:00 Trio Veracruzen boleroak, Gure Aretoan. Sarrera: 3 euro.