Larunbata, abenduak 20

11:00

Tokiko merkataritza sustatzeko eguna Sondikan

Zapatuan, abenduak 20, Sondikan tokiko merkataritza sustatzeko egun berezia antolatu du Udalak, “Sondikan erostea beste kontu bat da” lelopean. Goizeko 11:00etatik 14:00etara, haurrentzako jolasak izango dira.

18:00

Lainomendiren Gabonetako erromeria ibiltaria Derion

Urtero lez, Lainomendi dantza taldeak Gabonetako ekitaldia burutuko du. Aurtengoa, baina, berezia izango da, 35 urte bete dituzten urteari itxiera emango diotelako. Hori dela eta, zapatuan, abenduaren 20an, dantza talde derioztarrak Gabonetako erromeria ibiltaria burutuko du. Erromeria hau arratsaldeko 18:00etan hasiko da, San Isidro elizaren aurretik abiatuta, Derioko kaleetan zehar. Euria egitekotan, kantxetan hasiko da erromeria.

18:30

Bizkaiko Sokatira Txapelketaren jardunaldi finala Lezaman

Zapatuan, abenduaren 20an, Bizkaiko Goma gaineko Sokatira Txapelketaren jardunaldi finala ospatuko da Lezaman. Emakumezkoak zein gizonezkoak arituko dira, zortzi pertsonek osatutako taldeetan.

19:00

Kultur asteburua Sondikan

Asteburu honetan, kultur ekintzak antolatuta daude Sondikan. Lehena, bihar izango da, zapatua, abenduak 20. Bilboko Ganbera Musika Elkarteak kontzertua eskainiko du Kultur Etxean. Bilboko talde honek lan klasikoak, opera, zarzuela eta Gabon kantak uztartuko ditu Gabonetako kontzertu berezi honetan. Kontzertua arratsaldeko 19:00etan izango da eta sarreraren prezioa 10€-koa da.