Musika ikasketak edo atzerrian ikastaroak egiten dituztenentzako dirulaguntzak, Derion

Derioko Udalak musika ikasketak edo atzerrian ikastaroak egiten dituztenentzat diru-laguntzak eskatzeko epea urriaren 5ean zabalduko du. Eskaerak azaroaren 15era arte egin daitezke. Musika ikasketatzat Musika Eskola ofizialek eskaintzen dituztenak hartuko dira, eta atzerrian ikastaroak egiteko emango diren diru-laguntzak udako ikastaroak, graduondokoak, doktoretzak, masterrak eta abar egingo dituztenei zuzenduta daude. Interesa dutenek agiri hauek aurkeztu beharko dituzte: • NANaren fotokopia. • Ikasturteko matrikula ordaindu izanaren ziurtagiri originala eta fotokopia. • Ikastaroa egin den zentroaren egiaztagiria. Bertan ikasleak ikastaroa gainditu duen ala ez agertu beharko da. Baita eskaini diren eta ikasleak jaso dituen eskola orduak ere. • Eskabidearen orrian banketxearen izena eta kontuaren zenbakia argi eta garbi agertu behar dira. • Beste administrazio batzuetan eskatu edo eta lortutako dirulaguntzei buruzko zinpeko aitormena. Eskatzaileek Derion erroldatuta egon beharko dute eta, gutxienez, matrikulazio epea hasi eta ikasturtea bukatu arte eskolen %90ean parte hartu beharko dute. Musika ikasketak egiteko diru-laguntzak eskatzen dituztenak adin txikikoak izan behar dira. Emango diren diru-laguntzen zenbatekoa horretarako aurrekontuan zuzendutako kopurua eta eskatzaileen kopuruaren arteko zatiketaren araberakoa izango da. Ikastaroaren ezaugarriak kontuan hartuko dira, baina emandako diru-laguntza ez da inoiz ikastaroaren kostuaren ehuneko 50 baino handiagoa izango. Derioko Udalak kasu bietan diruz lagundutako ikastaroen jarraipena egingo du eta edozein unetan beharrezkoak izan daitezkeen azalpenak eska ditzake.