Aspalditik dago Euskal Herrian mendietatik ibiltzeko ohitura, tontorretara igotzeko, bidez bide ibiltzeko... Esaten da pandemia geroztik ohitura hori areagotu egin dela, jende gehiago dabilela, gabiltzala, mendiko bideetatik hara eta hona. Gure herrietan badago nondik ibili, eta poztekoa da.
Memoria historikoa Markinara bidean
uzt 21 Txorierri
Ibilbide honetan, Bizkaiak Gipuzkoa mugatzen duen lekuan hasi, Urkaregiko mendatean, eta Markinaraino helduko gara. Jose Sagarna, Larruskaineko apaiza, fusilatu zuten lekuan ipinitako oroigarritik pasatuko gara, eta Donejakue bideari jarraituz Markinara helduko gara, 11 kilometro inguruko ibilbide erraza egin ostean. Bertan hainbat gauza interesgarri ikusiko ditugu.
