Udalak ‘Derio: Sentimendu bat’ literatura-lehiaketa jarri du abian. Parte-hartzaileek idazlan labur bat idatzi beharko dute eta bertan derioztarra izateak ekartzen dizkien sentimenduak azaldu beharko dituzte. Lanak euskaraz eta gaztelaniaz idatzi ahalko dira.
Epaimahaiak sari bi emango ditu; bat, hizkuntza bakoitzeko. Irabazleek saria beste pertsona batekin konpartitzeko aukera izango dute: hotel batean gaua ematea. Afaria, gosaria eta SPA tratamendua daude sariaren barne.
Lanak azaroaren 5era arte (12:00) aurkeztu ahalko dira udaletxeko Kultura Sailean. Gutunazal itxi batean lehiaketaren izena idatziko da, eta parte-hartzailearen datuak ere jakinaraziko dira: izen-abizenak, helbidea eta telefonoa. Lanak ordenagailuz idatzi ahalko dira zein eskuz, eta luzapena orri batekoa izango da.
Lehiaketa Derio duela 320 urte Bizkaiko Batzar Nagusietara sartzea ospatzeko ekitaldien barruan antolatu da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).