Danerik Paraje! Derioko Zerbitzu eta Merkataritzako Elkarteak eta bertako Udalak moda ibiltokia antolatu dute urriaren 3rako. Desfilea arratsaldeko 7etan izango da oinezkoen kalean eta bertan 50 derioztar inguruk hartuko dute parte. Ekimenak herriko moda eta estilismoa ezagutzera ematea du helburu.
Horrezaz gainera, Danerik Paraje! elkarteak merkataritza txartela aurkeztuko dute jendaurrean. Txartela doan da eta azarotik aurrera jarriko dute bezeroen eskura. Txartelaren jabea sustapen bereziez baliatu ahalko da: deskontuak, opariak lortzeko puntuak eta zozketak, esate baterako.
Beste alde batetik, Sisniega abeslariak Viviendo hacia atrás diskoa aurkeztuko du ekitaldian.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).