Hango Udalak eta Arrekikili euskara elkarteak “Irakurri, gozatu eta oparitu” kanpaina jarri dute martxan, Topagunearekin batera. Kanpainak ekainaren 30era arte iraungo du, eta, besteak beste, helburu hauek ditu: irakurketa sustatzea eta euskararen erabilera gozagarria bultzatzea.
Parte-hartzaileek euskarazko liburu bat hartu beharko dute liburutegitik, eta hori irakurri, noski. Liburua itzultzen dutenean, irakurle-fitxa bat eskatu beharko diote liburuzainari. Fitxa bete ostean, liburuzainak % 25eko deskontua duen txartel bat emango die. Deskontua Arinka Derioko liburu-dendan edo Elkar liburu-dendan erabili ahalko da, euskarazko beste liburu bat erosteko.