Hiru zonalde egongo dira ekitaldian: lehenak, haurrei zuzendurikoak, puzgarriak eta jokoak izango ditu; bigarrena dastaketa eta produktuen salmentari zuzenduko da; hirugarrena, tailerrak, erakusketak eta hitzaldiak egiteko prestatuko da. Txokolate, fruta eta barazkien inguruko tailerrak 10:00etan hasiko dira eta izena ematea beharrezkoa izango da. Horiez gain, taloak txorizoarekin egiteko tailerrak ere antolatuko dira.
Helduek hainbat ekitaldi izango dituzte: produktoreek, sukaldariek eta sommelierrek zenbait ekintza prestatuko dituzte, bertara hurbiltzen direnei Uribeko produktuak ezagutu ditzaten. Produktu guztien artean hazien eta garagardoen inguruan hitzaldiak eskainiko dira eta Uribeko txakolinak aurkeztuko dira, edari honekin egindako plater bat prestatuz. Gainera, bestelako produktuen dastaketa eta salmenta egingo da: gaztak, marmeladak, antxoa-gildak...
Lehen edizio honen ostean, antolatzaileek espero dute ekitaldi hau Barrika, Plentzia, Erandio, laukiz, Mungia, Lezama eta Larrabetzutik igarotzea.