Danerik Paraje! Derioko Zerbitzu eta Merkataritzako Elkarte profesionalak ingurumena jagoten laguntzea du helburu, eta urrian erosketarako 6.000 poltsa berrerabilgarri banatuko ditu elkartearen barruan dauden saltokietako bezeroen artean. “Berdetik ibili, erosi” lelopean, ekarpena egingo dute herrian zein inguruetan plastikozko poltsak desagertzeko.
Dendek plastikozko poltsak kobratu egin behar dituzte –uztailean hasi ziren–, eta 2020ko urtarriletik aurrera debekatuta egongo dira apurgarriak diren plastikozko poltsak, baldin eta %50eko plastiko birziklagarria ez badute. 2021eko urtarriletik aurrera guztiz debekatuko dira.