Plaza orain dela 30 urte urbanizatu zen eta zoladura, gaur egun, apur bat hondaturik dago. Batetik, denbora luzea pasatu delako; bestetik, udal zerbitzuetako ibilgailuak plazatik igarotzen direlako: lorezaintza, argiteria, garbiketa… Lanek plazaren itxura aldatuko dute apur bat, baina gaur egungo irudiari eutsiko diote.
Derioko Udalak Herriko Plazako zoladura berritzeko lanak jarri ditu martxan aste honetan, azaroaren 12an. Guztira, 1.000 metro karratu urbanizatuko dira berriro eta Udalak 73.000 euro inguru inbertituko ditu bertan. Bizkaiko Foru Aldundiak aurrekontuaren zati bat ordainduko du, 41.350 euro, alegia. Lanek zazpi aste iraungo dituzte eta plazaren irisgarritasuna hobetzea eta estetikoki txukuntzea dute helburu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).