Gobernu-taldearen esanetan, aurrekontuek garapen ekonomikoari, gizarte-politikei eta kultura-politikei emango diete lehentasuna. Era berean, inbertsioak % 75 handituko dira eta horietara, zehatz-mehatz, 503.002 euro zuzenduko dira. Aurrekontuen zatirik handiena hartuko duten proiektuen artean hauek daude: alde batzuetako argiak eta zebra-bideak hobetzea (60.000 euro), Nagusien Etxeko lokal berria egiten hasteko lanak (80.000 euro; behin betiko proiektua onartzen denean diru-partida handituko da), eta hainbat kale – Euskal Herria, Landa…– hobetzeko lanak (98.000 euro).
Aipatu dutenaren arabera, herritarren eskaerak hartu dituzte kontuan aurrekontuak onartzeko orduan. Horrela, derioztarren iradokizunak jasotzeko, Udalak hainbat topaketa antolatu ditu 2018an, eta hainbat komunikazio-kanal ere erabili ditu. “Berrogeita hamahiru proposamen jaso ditugu. Guztiak aztertu ditugu eta asko aurrekontuetan daude; gutxi batzuk aztertzen gabiltza oraindik”. Bestetik, adierazi dute aurrekontuak negoziatzeko prozesua zabalik egon dela oposizioko alderdi politiko guztientzat. Horri lotuta, hitz egiteko eta negoziatzeko prest daudela berretsi dute, eta adierazi dute haien ateak zabalik egongo direla alderdi politiko guztientzat, “derioztarren ongizatea sendotzeko eta Derio eraikitzen jarraitzeko”.
Zenbakitan
Herritarren segurtasuna 464.756,12 €
Hirigintza eta obrak 714.299,05 €
Zerbitzu orokorrak 1.262.781,60 €
Ingurumena 315.500,00 €
Langileentzako prestazioak 10.000,00 €
Gizarte-laguntza 376.354,80 €
Enplegua 66.000,00 €
Osasungarritasun publikoa 9.500,00 €
Hezkuntza 333.090,63 €
Kultura eta euskara 1.590.324,21 €
Kirola 710.925,90 €
Landa-garapena 1.217,00 €
Ekonomia sustapena 50.600,00 €
Azpiegiturak 256.000,00 €
Gobernu-organoa 232.317,62 €
Administrazio orokorra 1.067.515,20 €
Ogasuna 276.288,44 €
Mankomunitatea 271.772,43 €
Guztira 8.009.243,00 €
Langileak 2.105.768,87 €
Gastu arrunta 2.515.945,00 €
Transferentziak eta dirulaguntzak 2.819.312,12 €
Kreditu orokorra 40.215,01 €
Inbertsioak 503.002,00 €
Langileentzako aurrerakinak 25.000,00 €
Guztira 8.009.243,00 €
Erakunde autonomoak:
Derioko Udal Kiroldegia (DUK): 1.121.545 euro; Udalak 586.045 euro ipintzen ditu; eta kiroldegiak, 535.500 euro (bazkideak).