Egunak Derion

Jon Loidi Begoña derioztarrak azken urteotan herrian ateratako argazkiak eta egindako diseinuak ipini ditu ikusgai Kultur Birikan. Erakusketa bitxia da, herrira eta inguruetara egilearen ikuspuntutik eraman gaituena. Hura bihar arte ikusteko aukera egongo da; beraz, ez galdu. Hemen irudietariko batzuk dituzue.      

Orain dela hiru urte argazki-kamara erosi eta argazkilaritza ikasketak hasi zituen. “Hasierako probak eta ibilbideak herrian bertan egin nituen; argazki asko atera ziren handik. Bestetik, bi urteko atsedenaldiaren ostean hasi nintzen diseinua berriro lantzen, eta berriro ere ipini nuen arreta herriko guneetan: eraikinetan, kaleetan… denbora ematen nuen lekuetan”.