Guztira, 19 lekutan egingo dituzte hobekuntzak: 17tan, eraginkortasun energetikoa eta argiztapen maila hobetuko dira; gainontzeko bietan, argi berriak jarriko dira.
Argi puntu berriak hainbat lekutan jarriko dira: Maurikobaso bidean eta Doneztebe bidean; Txorierriko Etorbidean, Institutu ondoan dagoen autobus geltokian; Uribe Parkeko (Piraten Itsasontzia) umeentzako jolas gunean; eta San Migel plazan. Era berean, Udalak erantzun die aurrekontu parte hartzaileen prozesuan jasotako herritarren proposamenei eta, horren haritik, argi berriak jarriko dira oinezko pasabide hauetan: Mungialde Etorbidean; Uribe kalean; eta Errementariñeren eta Aldekone Goikoaren bitartean dauden pasabideetan. Azkenik, argiak leku hauetan ordezkatuko dira: futbol zelaiaren Larrabarriko sarreran, baserri batzuen sarbideetako bidegurutzeetan eta Ganbeko hariztian.