Elpeloton.net atarian iragarri duten moduan, Miguel Madariagak zuzentzen duen Gela Pedagogikoak emakumezko txirrindularien taldea ipiniko du martxan datorren urtean. Taldean 19 txirrindulari egongo dira, kadete eta gazte mailetan, eta txirrindularitzaren modalitate guztietan hartuko dute parte: errepidea, pista, ziklo-krosa eta mendia.
Egitasmoak txirrindularitzan parekotasuna bultzatzea du helburu, eta Madariagak eta Iñaki Zaratek zuzenduko dute. Haiekin batera, hauek osatuko dute lantaldea: Joseba Gorostiza, Marimar Sainz, Ibai Lejarraga, Xabier Murias eta Beñat Vera.
Bestalde, emakumezko txirrindularientzako osasun-zentroa ere atonduko da –Osasun Centrum–, eta bertan mediku traumatologo bi, nutrizionista bat eta psikologo bat egongo dira. Egitasmoak Gela Pedagogikoaren instalazioetan izango du egoitza, Derioko Seminarioan hain zuzen ere.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
