Autoaren jabea Derion bizi zela egiaztatu ondoren, ertzaintza gidariaren etxebizitzan azaldu zen. Ibilgailua garajean zegoen arren, ezin izan zuten momentu hartan jabea aurkitu. Handik ordu batzuetara, etxebizitzara itzuli ziren eta orduan egiaztatu zuten jabea kontrolgunetik ihes egindako gidaria zela.
Ertzaintzak Derion topatu du Bilboko alkoholemia-kontrol batean ihes egindako gidaria
Gaur jakinarazi duten moduan, 40 urteko gidaria igandean topatu zuten eta bide-segurtasunaren aurkako delitu bat leporatu zioten. Ertzainek zapatu goizaldean alkoholemia-kontrol bat ipini zuten Bilbon. Auto bat abiadura handian hurbildu zen kontrolgunera, eta ertzain batek ibilgailua aparkatzeko eta alkoholemia-testa egiteko esan zion gidariari, horrek alkoholaren eraginpean egotearen sintoma nabariak zituen eta. Gidariak, hala ere, autoa azeleratu, eta alde egin zuen.