Koronabirusa

Mikroipuinen lehiaketa, Tximintxen eskutik

Tximintx Derioko komunitateak mikroipuinen lehiaketa antolatu du. Gaiak Deriori lotuta egon behar du, eta lanak euskara hutsean idatziko dira. Mikroipuinak aurkezteko azken eguna apirilaren 14a izango da, eta saritzat Danerik Paraje elkarteko dendetan gastatzeko diru-txartel bi emango dira: bata, 50 eurokoa; eta bestea, 20 eurokoa (azken hau, Deriotik kanpoko irabazlea balego).

Lehiaketan 16 urtetik gorako edonork har dezake parte, eta Deriorekin zerikusia duen mikroipuina aurkeztu beharko du euskara hutsean. Ipuinek gehienez orri batekoak izan beharko dute –1.700 karaktere–, jatorrizkoak eta argitaratu gabeak. Epaimahaiak hauek hartuko ditu kontuan saridunak aukeratzeko: irudimena, sormena eta aurkezteko modua.

Lanak apirilaren 14ra arte bidali daitezke helbide elektroniko honetara: tximintx@gmail.com. Mezuaren gaian “Mikro ipuin lehiaketa” idatzi behar da; eta mezuan izen-abizenak, herria, ipuinaren izenburua, kategoria eta kontaktua. Derioko irabazleak 50 euroko diru-txartela jasoko du saritzat, Danerik Paraje Derioko Zerbitzu eta Merkataritzako Elkarte Profesionalaren eskutik; Deriotik kanpoko irabazlea balego, horrek 20 euroko diru-txartela jasoko luke. Ipuinak Tximintxen eskutan geldituko dira eta gizarte-sareetan eta bestelakoetan argitaratu ahalko ditu.