Dirulaguntza 12 urtera arteko seme-alabak dituzten familiek eskatu ahalko dute irailean, Gertuan herritarren arretarako bulegoan. Zaintzaileak langabezian egon behar du, eta, ahal den neurrian, Derion erroldatuta egon. Gainera, ezin du kontratatzaileekin ez lehenengo, ez bigarren ahaidetasun-mailarik izan. Gutxienez egunean bi orduko kontratua egin beharko da, ekainaren 1etik irailaren 6ra bitartean, eta gutxienez astebete iraun beharko du.
Udalak zaintzailearen soldataren % 30 ordainduko du, gehienez 600 euro. Hala ere, baldintza batzuk betez gero, portzentaje batzuk gehituko dira: zaintzailea Derion erroldatuta badago, % 10 gehiago; 16 urtetik 35 urtera bitarteko gaztea bada, % 5 gehiago; eta euskalduna bada, % 5 gehiago. Hortaz, baldintza guztiak betetze badira, laguntza % 50ekoa izan liteke.
Zaintzaileen eta familien arteko harremana errazteko, Egaz Txorierri umeen zaintzaileen lan-poltsa prestatzen dabil. Informazio gehiagorako: 944 536 370 eta egaz@txorierri.eu.