Ibaiganen hauek batu dira hitzarmena sinatzeko: Esther Apraiz, Derioko alkatea; Nekane Aiarza, alkateordea; Aitor Elizegi, Athletic Clubeko presidentea; eta Juan Carlos Ercoreca, Athletic Club Fundazioko presidentea.
Bizkaiko gainerako udalek ere bat egin dezakete ekimenarekin, eta helburua da fundazioaren eta udalen arteko akordioak ofizialtzea eta gehitzea, fundazioaren gizarte-, ingurumen-, kirol- eta kultura-ekitaldiak udalerri horietan egin ahal izateko. Besteak beste, Derioko Udalak ekintza hauetan azaldu du interesa: Thinking Football Film jaialdia, irakurtze-tailerrak eta klubak, Bertsoderbia, adingabeen babesaren inguruko heziketa teknikarientzat eta familientzat, nutrizioari buruzko mintegiak, kirol-psikologiari lotutako heziketa, adinekoentzako ergonomia-saioak. Bestalde, Derioko Udalak eta Athletic Club Fundazioak zeharkako beste lankidetza-bide batzuk aztertzeko asmoa dute, fundazioarekin lan egiten duten Euskadiko Hirugarren Sektore Sozialeko elkarteei ere on egiteko.