Atzo, Bizkaiko Bertsolari Txapelketarako sailkapen-faseko azken saioa izan zen Derioko Gurea Aretoan, eta Mikel Retolaza nagusitu zen bertan. Sailkapen-fasea amaituta, badakigu zeintzuk izango diren Bizkaiko Bertsolari Txapelketan parte hartuko dutenak, eta haien artean Etxahun Lekue Etxebarria eta Malen Amenabar Larrañaga larrabetzuarrak daude.
Lekue 2018ko txapelketaren finalistetako bat da eta finalaurrekoetan hasiko da kantuan; Amenabar, bestalde, 2018ko finalaurrekoetan kantatu zuen eta, hortaz, kanporaketetan sartuko da zuzenean. Aldaketarik ezean, Bizkaiko Txapelketa urrian hasiko da eta sei kanporaketa, hiru finalaurreko eta finala izango ditu.
Informazio gehiagorako: www.bertsozale.eus.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).