Derioko Udalak, Politeknika Ikastegia Txorierrik eta Danerik Paraje Derioko Merkataritza Elkarteak indarkeria matxistaren kontrako sentsibilizazio-kanpaina zabaldu dute gaur. Eguaztenean, azaroaren 25ean, Emakumeen Kontrako Indarkeria Desagerrarazteko Nazioarteko Eguna izango da, eta, horren haritik, Politeknikako ikasleek hainbat grafiti egin dituzte Derion.
Grafitiak gaur bertan izango ditugu ikusgai Derioko hainbat lekutan: udaletxean, kiroldegian, Kultur Birikan eta 40 dendatako erakusleihoan. Batetik, kanpainaren logoa margotu dute, bestetik, “Nire bizitzako emakumea naiz” edo “Nire buruaren jabe, ni neu” bezalako esaldiak. Kanpainaren aurkezpena gaur goizean izan da Derioko plazan. Esther Apraiz alkatea, Nekane Aiarza alkateordea, Josu Orbe Politeknikako zuzendaria eta Mari Mar Mellado merkatarien elkartearen presidentea izan dira bertan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).