Pilotan aritzeko baldintzarik onenak ez zeuden, hotz handia egiten zuelako eta, koronabirusaren ondorioz, jokalariak azken asteotan jokatu barik ibili direlako. Gainera, publikoak ez zuen partida zuzenean ikusteko aukerarik izan. Hala ere, jokalariek maila ona erakutsi zuten, eta ikuskizun polita eskaini.
Aldai-Orbegozo eta Arrizabalaga-Aldai bikoteen arteko finalerdia orekatua izan zen hasieran, baina apurka-apurka lehenengo bikotea nagusitu zen, Orbegozok azaldutako erregulartasunari eta Aldairen sakeei esker. Beste finalerdian, ordea, lehia askoz biziagoa izan zen. Patri Espinarrek eta Naroa Agirrek izugarri sufritu behar izan zuten Ainhoa Ruiz de Infanteren eta Mirian Arrillagaren aurka, finalerako txartela eskuratzeko.