Inauteriak ez dira ohi moduan ospatuko. Hortaz, eta herritarrei Inauteriak gozatzeko aukera eskaintzeko asmoz, Derioko Udalak “Inauteriak 2021 bideo-lehiaketa” antolatu du. Gehienez lau laguneko taldeak osatu ahalko dira. Mozorroa jantzita, bideoa grabatu beharko da (gehienez minutu bi), eta whatsapparen bidez 688 801 659 telefono-zenbakira bidali. Bideoak Facebook gizarte-sarera ere igo ahalko dira #Deriokoinauteriak hastag-a erabilita. Lanak otsailaren 8tik 14ra bitartean, egun biak barne, bidali edo eskegi beharko dira.
Epaimahaia udal-langileek eta dendarien elkarteko kideek osatuko dute, eta jantzien eta aurkezpenaren originaltasuna, karakterizazioa, animazioa eta birziklatutako materialak erabiltzea hartuko dituzte kontuan, sariak emateko orduan. Kategoria bi egongo dira: 12 urtera artekoa eta helduak (indibiduala, bikoteak eta taldeak). Txikien artean tableta bat, bluetooth bidezko entzungailuak eta zenbait joko banatuko dira; nagusien artean, berriz, herriko dendetan gastatzeko 30 eta 200 euro arteko bonuak eta Gurea Aretorako zinema-sarrerak. Halaber, zozketak egingo dira saririk lortu ez dutenen artean.
Sariak otsailaren 26an jakinaraziko dira. Epaimahaiak saririk ez emateko aukera izango du, baita kategoriei dagokienez aldaketak egiteko aukera ere.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
