Derioko Udalak jakinarazi duenez, 32.251 euro ipiniko ditu herriko argiak hobetzeko. Guztira 81 argi kendu, eta haien ordez LED bonbillak jarriko dituzte. Ordezkatze-lanak apirilean egingo dira Uribe parkean, Gorbeia eta Larrabarri kaleetan eta haien inguruan. Egitasmoak hiru helburu ditu: eraginkortasun energetikoa hobetzea, berotegi-efektuko gasak murriztea eta, argiztapen-maila eta -kalitatea handituz, herritarren segurtasuna bermatzea.
Inbertsioa herriko argiak modernizatzeko planaren barruan dago. Horri lotuta, udalak gogora ekarri du iazko otsailean 127.000 euroko inbertsioa egin zela herriko 19 gune LED argiak ipinita indartzeko, hala nola Maurikobaso eta Doneztebe bideak, Mikel Deuna plaza eta institututik gertuen dagoen autobus-geralekua. Era berean, baserri batzuen sarrerako argiak aldatu ziren, eta argi berri bi ipini.
“Argiak berritzeko prozesua orain dela hiru urte baino gehiago hasi genuen eta dagoeneko 500 argi baino gehiago ordezkatu dira”, esan du Esther Apraiz Derioko alkateak. Bere hitzetan, LED teknologiak energia % 50 - % 70 aurreztea ekarriko du, argi-kantitate eta -kalitate handiagoa ekarriko du eta, hortaz, herritarren segurtasuna hobetzen lagunduko du.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
