Eatoneko eta Tubacexeko langileak elkarrekin Derioko manifestazioan

Eatoneko langileek manifestazioa egin zuten barikuan Derion eta deialdiarekin hainbat eragilerekin egin zuten bat. Gainera, manifestarien artean Tubacex enpresako langileak ere izan ziren. Eatoneko enpresa-batzordeak jakinarazi duenez, kontsultaldia hasita, ez dute akordiorik lortu eta hurrengo bilera eguaztenean egingo dute.

Tubacexek Laudioko eta Amurrioko 95 langile kaleratuko ditu -150 aurreikusi ziren hasieran, baina batzuek aurretiko erretiroa hartuko dute eta beste batzuek adostu dute kaleratzea– eta langileak greba mugagabean daude otsailaren 15etik.

Bestalde, antolakuntzari eta ekoizpenari lotutako arrazoiak argudiatuta, Eaton multinazionalak martxoaren erdialdean jakinarazi zuen Derioko fabrika itxi eta 37 langileak kaleratzeko asmoa zuela. Horretarako, enplegu-erregulazioko espedientea (EEE) aurkeztuko du. Harrezkero langileak greban daude –31 egun– eta multinazionalari eskatu diote enpresa ez ixteko, “lana egon badagoelako”.

Txorierriko albiste garrantzitsuak eta azken ordukoak Whatsapp bitartez jaso gura dituzu?

WHATSAPP: Bidali ALTA 747 406 561 telefono zenbakira.

Izan zaitez berriemale ere bai. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).