Udalekuek bederatzi aste iraungo dute, eta kirol anitzeko campusak, aste bi. Aste bakoitzak 35 euro balio du eta bigarren seme-alabek % 50eko beherapena izango dute; ekintzak doakoak izango dira hirugarren seme-alabentzat. Aurretiko izena ematea maiatzaren 14tik 23ra bitartean egin beharko da udal-webgunearen bidez. Plazen zozketa maiatzaren 24an egingo da, eta behin betiko izena ematea, ekainaren 4tik 9ra.
Derioko Udalak jakinarazi duenez, udalekuak eta kirol anitzeko campusa antolatuko dira aurten. Ekintzetan 2009. urtetik eta 2016. urtera bitartean jaiotako umeek hartu ahalko dute parte, eta helburuak dira umeei udako oporrez gozatzeko aukera ematea, trebetasun eta joko berriak ezagutuz inguruko umeekin harremanak izan ditzatela, haientzako dibertitzeko gune seguruak sortzea eta lana eta familia bateratzen laguntzea. Bederatziehun umeentzako baino gehiagoentzako lekua egongo da.