Jardunbide egokiak ezarri, eta helburu hauek lortu nahi dira: era guztietako energia-baliabideen kontsumoa murriztea, hondakinen gutxiago sortu eta haiek berriro erabiltzea erraztea, kostuak murriztu eta negozioak lehiakorragoak izatea, ingurumenari lotuta enpresei buruz dagoen irudia hobetzea eta herritarrak sentikor bihurtzea ingurumenarekiko.
Txorierriko Politeknika Ikastegiko Ingurumenaren Hezkuntza eta Kontroleko bigarren zikloko ikasleek diseinatu dute gidaliburua, udaleko Ekonomia Sustatzeko Arloak babestutako lankidetza-proiektu baten baitan. DerioCom merkatarien elkarteak ere hartu du parte proiektuan. Gidan, zortzi jardun-arlo bereizi dira: ura, energia, garraioa eta biltegiratzea, hondakinak, zarata, lokala eraikitzea eta hornitzea, garbitzea eta mantentzea eta komunikazio jasangarria. Gidaliburua datozen egunetan banatuko da dendetan, tabernetan eta jatetxeetan.