Izena ematea www.deriokoudala.net webgunean egin ahalko da, edo Kultur Birikan bertan, horretarako inprimakia beteta. Tailerretan adin guztietako pertsonek hartu ahalko dute parte. Leku mugatua egongo da eta derioztarrek lehentasuna izango dute. Saioak urriaren 1ean hasi, eta 2022ko ekainean amaituko dira. Zozketa, hala badagokio, eta onartuen zerrenda irailaren 24an argitaratuko dira.
Bestalde, udalak prebentzio-neurri bereziak ezarri ditu COVID-19aren aurka. Besteak beste, sei lagunek osatutako taldeak egingo dira, eta tailerrek ordubete eta 30 minutu iraungo dute. Astean behin egingo dira eta erabiltzaile bakoitzak bere lekua garbituko du, erabili aurretik eta ondoren.
Informazio gehiagorako, 944 541 019 telefono-zenbakira deitu ahal da, edo kultura@deriokoudala.net helbidera mezu bat idatzi.