Udalak azaldu duenez, pandemiari aurre egiteko murrizketak direla eta, aldaketak egin behar izan dira udalekuetan eta kirol anitzeko campusean, haurren eta langileen osasun-segurtasuna bermatzeko. “Baina udalak ez du zalantzarik izan aisialdiko ekimen horiek egokitzeko, udalerriko haurrei udako oporraldiaz gozatzeko aukera emateko eta eskola-oporretan lana eta familia bateratzen laguntzeko”. Gune seguruak eta aukerak sortu dira “haurrek beren inguruko adingabeekin harremanak izan ditzaten eta ondo pasa dezaten, trebetasun eta jolas berriak ezagutuz”.
Bestalde, estali gabeko igerilekuen funtzionamenduan ere eragina izan du koronabirusak eragindako osasun-krisiak. Edukiera % 50 mugatu da (300 pertsona) eta, iaz moduan, hitzordua hartzeko sistema ezarri da. Gainera, uztailean beste ordu-tarte bat ezarri zen lehen orduan, bakarrik igerilarientzat.
Azkenik, udalak gogora ekarri du udan ere publiko guztientzako kultura- eta aisialdi-jarduerak antolatu dira, hala nola zinema, irteerak eta musika.