Botazioan zazpi urtetik gorako edozein derioztarrak hartu ahalko du parte eta lagun bakoitzak boto bat emango du. Horretarako, www.deriokoudala.net webgunean ipiniko den formularioa bete beharko da; nolanahi ere, ezagutza nahikorik edo baliabide digitalik ez duten herritarrek Gertuan herritarrentzako arreta bulegora eta Kultur Birikara jo ahalko dute bozkatu ahal izateko. Emaitzak urriaren 15ean argitaratuko dira udal-webgunean eta udal-taulan. Ondoren, aukeratutako ekimenen jarraipena eta kontrola egingo da, 2020ko aurrekontu-proiektuan sartu eta gauzatu arte.
Udalak azpimarratu du “partaidetza-faseek ondo funtzionatzen dutela eta derioztarrek politika publikoan aktiboki parte hartzeko duten borondatea erakusten dutela”. Gainera, gogora ekarri du prozesuan zazpi urtetik 16 urtera bitarteko haurrek eta gazteek parte hartu dutela, Derioko Umeen Kontseiluak eta udalak elkarrekin egindako lanari esker.