Derioko Udalak jakinarazi duenez, Ganbe kaleko oinezkoentzako pasabide bi goratzeko lanak amaituta daude jada. “Jarduketa honen bidez, tokiko gobernuak erantzuna eman die inguruko bizilagunen eskaerei, eta ibilgailuen abiadura murriztu eta oinezkoen segurtasuna bermatu nahi du”. Lanetan aglomeratua erabili da. Galtzada horretatik gehienez 30 kilometro orduko abiaduran ibili daiteke eta “lanak halako galtzadei dagozkien arauei jarraituta egin dira”. Udalak zuhurtziaz gidatzeko deia egin, eta guztion onerako trafiko-arauak errespetatzearen garrantzia ekarri du gogora.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).