Guneak 350 metro koadro baino gehiago ditu eta bertan hainbat modulu jarri dira, zeinak klimatologiarekiko eta erabilera intentsiboarekiko erresistentzia handia duen material bat erabilita egin baitira. Era berean, leuntasun handia eskaintzen dute irristatzeko orduan. Diseinua ebolutiboa da eta, hortaz, gunea handitu ahal da. Bestalde, 0,6 metrotik 1,9 metrora bitarteko altuerako mailak ditu eta hainbat diziplina praktikatu ahal dira han, hala nola skatea, rolling-a, bmx-a eta scooting-a. Bestalde, quarter arrapala bi daude, bata 1,9 metrokoa eta bestea 1,5 metrokoa, eta zenbait elementu pistaren erdialdean: 0,9 metroko street spine bat, 1,2 metroko flybox quarter-bank bat eta 0,6 metroko erraila duen funbox-disaster multzo bat. Azkenik, beste errail bi ipini dira: bata sinplea da, hiru metrokoa, eta bestea, bikoitza, sei metrokoa. Biek 0,4 metroko altuera dute, streeteko trikimailuak egiteko.
Apraizek adierazi zuenez, datorren urtean patinajeko master class bat antolatuko da, diziplina hori hobetu edo horretan hasi nahi duten herritarrentzat.