Eskolara ikasleekin batera diseinatutako ibilbideetatik joango dira. Guztira hiru ibilbide dira eta bakoitzean begirale batek lagunduko die. Lehenengoa hau da: Santimami auzoa 4 (08:15), Mungialde etorbidea 15 (08:25), Gernikako Arbola 5 (08:30) eta Gernikako Arbola 8 (08:35). Bigarrena hau da: Gaztañatxu 65 (08:10) eta Gaztañatxu 16 (08:15). Eta hirugarrena, hau: Aldekoena/Goiri (08:15), Lainomendi 1 (08:20), Mungialde etorbidea 20 (08:22), Uribe 7 (08:25) eta Ganburu 8 (08:30).
Azaldu dutenez, Deriok Haurren Hiria Sarearekin bat egin zuen 2020an, eta udalerria gazteen ikuspegitik eraldatzeko apustu irmoa adierazi. Ondorioz, Umeen Kontseilua eta Eskola Bideak proiektua ipini ziren martxan. Urte horretan, hirugarren, laugarren eta bosgarren mailetako 155 umeek hartu zuten egitasmoan parte, baina pandemia zela-eta bertan behera utzi behar izan zen. 2020/2021 ikasturtean, bestalde, esandako mailetako 162 ikasleak ibili ziren egitasmoan.