Derioko, Erandioko, Mungiako, Bilboko eta Barakaldoko borrokalariek osatzen dute Vazquezen taldea. Hauek dira: Maitane Castaneira, Iratxe Madariaga, Naiara Giraldo, Noa de Miguel, Jon Molinete, Alex Madariaga, Enzo Vazquez eta Aaron Hernandez. Txapelketan Estatuko hainbat taldek hartu zuten parte. 
Zapatuan, Borroka Arteen Open Nazionala egin zen seigarren aldiz Torrejón de Ardozen, Madrilen, eta Luis Vazquez derioztarraren taldeak emaitza ezin hobeak lortu zituen bertan. Horrela, bada, borroka kategorian eskuratu zituzten bost urrezko domina, zilarrezko domina bat eta brontzezko domina bat; defentsa pertsonalaren kategorian, zilarrezko domina bat; eta borroka eta emakumezkoen kategorian, Txapeldunen Txapeldunen Gerrikoa.