Txorierri Institutuko DBHko laugarren mailako ikasle batzuek lan berezia egin dute Filosofia irakasgairako. Derioko kale, auzo eta parkeen izenak aztertu, eta topatu dute emakume-izen bakarra dagoela: Arantzazu kalea. “Egoera zuzentzeko bidea hasteko, Juana Elgezabali herriko kale bat eskaintzeko proposamena egin dugu. Gainera, derioztar garrantzitsuek ere ez dute presentzia handirik herrian, eta proposamenaren bidez hutsune biak beteko lirateke”, azaldu dute.
Juana Elgezabal Derion jaio zen 1842. urtean. “Caceresera joan zen era bertan kultura eta hezkuntza sustatu zituen: Variedades antzokia eraiki, eskolak eta kultura-ekintzak antolatu… Filantropoa zen eta bertako biztanleak alfabetatzen lagundu zuen. Bere bizitzaren zati handia atzerrian igaro zuen arren, derioztartasuna harrotasunez eta maitasunez gorde zuen”, kontatu digute.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).