Kukuke antzerki-eskolaren helburuak hauek dira: umeen sormena handitzea, enpatia areagotzea, psikomotrizitatea garatzea, adimen-azkartasuna hobetzea, euskarazko komunikazioa lantzea, garapen pertsonala sustatzea eta ingurune berria ezagutzea. Azaldu moduan, eskolan bertan ibilitako Gabriela Arranz izango da irakaslea. “Gaur egun Dantzerti eskolan ikasten dabil eta gogotsu helduko dio antzerkirako zaletasuna piztu dion proiektuari”.
Kukuke antzerki-eskola berriro martxan, datorren ikasturtean
Tximintx komunitateak poz-pozik jakinarazi du Kukuke Derioko antzerki-eskola datorren ikasturtean berriro martxan ipiniko dutela. Izena ematea irailaren 1etik 23ra arte izango da zabalik. Horretarako eta informazio gehiago eskuratzeko, mezua bidali behar da tximintx@gmail.com helbide elektronikora. Kukuke antzerki-eskola sei urtetik 11 urtera bitarteko umeentzat da eta saioak urritik ekainera, martitzenetan, egingo dira Marikobaso espazioan. Leku mugatua egongo da.