Bestalde, gogoratu beharra dago Kukuke antzerki eskolaren izena ematea irailaren 1etik 23ra bitartean egin behar dela tximintx@gmail.com helbide elektronikora idatzita. Kukuke antzerki-eskola sei urtetik 11 urtera bitarteko umeentzat da eta saioak urritik ekainera, martitzenetan, egingo dira Marikobaso Espazioan.
Oporretara joan baino lehen, etxeko lanak egin dituzte Derioko Marikobaso Espazioko kideek eta hainbat ekintza antolatu dituzte irailerako. Horrela, bada, irailaren 10ean herriko artisauen azoka egingo da eta biniloak ipiniko dira. Hilaren 21ean Euskaraldiko bilera irekia (elkarteak eta entitateak) egingo da, eta hilaren 27an Kukuke antzerki eskolaren ate irekiak izango dira. Azkenik, Derioztartu eskola izango da irailaren 29an, eta gizarte-eskubideen txokoa, hilaren 30ean. Ekintzei buruzko informazioa sare sozialen bidez zabalduko dute.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).