Bihotz-birikietako geldialdirik gertatuz gero, desfribriladorea erabilita gaixoa azkar artatzeak bizia salbatu diezaioke. Horren harira, Derio udalerri “kardiobabestua” izatea nahi du hango udalak, eta ikastaroa antolatu du urrirako, desfibriladorea erabiltzen ikasteko. Gaur egun, udalerriko leku hauetan dago desfibriladore bat: udako igerilekuetan, kiroldegian, udaletxean, Gurea Aretoan eta udaltzainen autoan; guztira bost desfibriladore. Gainera, 21 desfibriladore gehiago daude enpresen artean banatuta.
Ikastaroa urriaren 4an hasiko da eta saio bakoitzak lau ordu iraungo du (goizez edo arratsaldez). Izena ematea irailaren 23ra arte egin daiteke GERTUAN bulegoan edo formulario hau beteta. Azaldutakoaren arabera, asmoa da ahalik eta derioztar gehienek desfibriladorea erabiltzen jakitea eta gaixoa azkar eta eraginkortasunez artatu dezatela.
“Oso ikastaro berritzailea da eta errealitate birtualaz ere baliatuko gara, ahalik eta errealena izan dadin. Desfibriladorea erabiltzen ikasteaz gainera, herritarrek bihotz-masajea egiten ikastea ere nahi dugu, funtsezko maniobra da eta”, esan du Esther Apraiz Derioko alkateak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).