Proiektuak hauek dira: Larrabarri eta Santiago kaleen artean gazteentzako pumptrack-gunea eraikitzea (100.000 euro), Errekalde parkean komun publikoa ipintzea (55.000 euro), herrigunean funtzio anitzeko birziklatze-puntua ipintzea (18.000 euro), azalera sintetikoko minigolf-pista ipintzea (13.000 euro) eta bertoko zuhaitzak landatzea (17.000 euro). Bozketan Derioko erroldatutako zazpi urtetik gorako edonork hartu ahalko du parte, eta pertsona bakoitzak boto bat eman ahalko du. Horretarako, formulario digital bat ipiniko da udal-webgunean, proiektu bakoitzaren deskribapena eta guzti. Bestalde, ezagutzarik edo baliabide digitalik ez duten herritarrek Gertuan arreta-bulegora edo Kultur Birikara jo ahalko dute prozesuan parte hartzeko laguntza jasotzera.
Emaitzak urriaren 17an argitaratuko dira udal-webgunean eta -taulan. Ondoren, onartutako ekimenen jarraipena eta kontrola egingo da, harik eta 2023ko aurrekontu-proiektuan sartu eta gauzatu arte.