Urriaren 21n, Taekwondo Espainiako Txapelketa izan zen Pontevedran, aurrekadete kategorian. Txapelketan Doyan Derioko klubeko bost kirolarik hartu zuten parte, eta emaitza ezin hobea lortu, emakumezkoen kategorian eta taldeka hirugarrenak izan ziren eta. Doyaneko kideak harro baino harroago azaldu dira euren kirolariez: “Lan handia egiten dabiltza, eta ahalegin handia ere, aurreko openetan-eta egindako akatsak zuzentzeko eta hobetzeko”.
Taekwondolariak eta haiek lortutako emaitzak hauek izan ziren: Ainhize Hernandez, urrea; Maider Romero, urrea; Ainhize Atxutegi, zilarra; Libe Tomas, brontzea; eta Irene Sorocana, final-laurdenak. Bestalde, urriaren 29an kirolariak Pontevedrako Openean ibili ziren, eta proba horretan ere emaitza onak izan zituzten: Romero, urrea; eta Tomas, Sorocana, Hernandez eta Atxutegi, zilar bana.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).